మెగాస్టార్ చిరంజీవి అభిమానులు ప్రపంచ వ్యాప్తంగా ఉన్నారు. ఆయన మీద ఉన్న అభిమానాన్ని ఒక్కొక్కరు ఒక్కో రకంగా చూపిస్తుంటారు. నార్త్ అమెరికాలో ఉన్న చిరు అభిమానులు ఆయన పేరుతో బంగారు నాణేలు తయారు చేశారంటే అర్థం చేసుకోవచ్చు ఆయన మీదున్న ప్రేమ. డల్లాస్‌కు చెందిన చిరు ఫ్యాన్స్ అసోసియేషన్ ఆఫ్ నార్త్ అమెరికా (కానా) ఈ బంగారు నాణేల్ని మెగాస్టార్ చిరంజీవి పేరుతో తయారు చేశారు. ఇటీవలే ఈ బంగారు నాణేలను విడుదల చేశారు. అంతే కాదు కానా సభ్యులు చిరును సన్మానించారు కూడా. చిరంజీవి ఇప్పటివరకు నటించిన చిత్రాలు విశేషాలతో కూడిన ఓ పుస్తకాన్ని కూడా రచించి ఆయనకు అందించారు. ఆయన సినీ, వ్యక్తిగత, రాజకీయ జీవితం గురించి ఇందులో ప్రస్తావించారు.