ట్రాఫిక్ జంక్షన్ల వద్ద యెల్లో బాక్స్ వద్ద ఆగటం వలన వచ్చే అనర్ధాలను నివారించడానికి దుబాయి పోలీసులు 'డు నాట్ స్టాప్ అట్ యెల్లో బాక్స్ జంక్షన్'  అనే అవగాహన కార్యక్రమాన్ని ఏర్పాటు చేశారు. అక్టోబర్ 26 నుండి నవంబర్ 12 వరకు జరిగే  ఈ కాంపైన్ లో భాగంగా టి. వి. ఛానెళ్లలో అవగాహనా కార్యక్రమాలు, దుబాయి పోలీసు వారు సోషల్ మీడియా ద్వారా సందేశాలు పంపనున్నారు. దుబాయి పోలీసు అవగాహనా శాఖ డైరక్టర్ కల్నల్ డా.  జేసిమ్ ఖలీల్ మీర్జా, కొందరు డ్రైవర్లు ట్రాఫిక్ జాం ఉన్నప్పటికీ, ఈ బాక్స్ లోకి ప్రవేశించడం వలన ట్రాఫిక్ అడ్డంకులు ఏర్పడడంతోపాటు, మోటరు వాహన దారుల మధ్య వివాదాలు కూడా సంభవిస్తున్నాయని ఈ అనర్ధాలను నిరోధించడానికి 500 దిర్హాం ల జరిమాన విధించబడుతుందని తెలిపారు.