ఉష్ణమండల తుఫాను - చాపలా మరింత తీవ్రతరమై సైక్లోన్ గా మారనున్నట్టు వాతావరణ పరిశోధకులు భావిస్తున్న నేపధ్యంలో ఉరుములతో కూడిన తుఫాను, ఆకస్మిక వరదలు మరియు భారీ వరదలు  సంభవించే అవకాశాలున్నాయని వారు హెచ్చరిస్తున్నారు. ఒమాన్ పబ్లిక్ ఆధారిటీ ఆఫ్ సివిల్ ఏవిఏషన్ (PACA) వారు రానున్న 48 గంటలలో ధోఫార్, యెమన్ వైపు పురోగమిస్తోందని; అల్ ఉస్తా, ధోఫార్ లలో శనివారం సాయంత్రం నుండి తుఫాను మొదలవ వచ్చని అంచనా వేశారు. రాస్-అల్- హాద్ నుండి ధోఫార్ వరకు గల ఒమాన్ తీరప్రాంతంలో వాయువ్య పవనాలు బలపడి, సముద్ర స్థితిని అల్లకల్లోల పరుస్తాయి. కెరటాలు మూడు నుండి ఐదు మీటర్ల ఎత్తు వరకు ఎగసిపడతాయని సమాచారమిస్తూ, ప్రజలు లోతట్టు ప్రాంతాలలో ఉండడం మంచిది కాదని, అదేవిధంగా వాడీ లను దాటవాద్దని కూడా హెచ్చరించారు.