సౌదీ అరేబియా ప్రభుత్వం, స్పాన్‌చాట్‌ నుంచి అల్‌ జజీరా డిస్కవర్‌ పబ్లిషర్‌ ఛానల్‌ని తొలగించాల్సిందిగా ఆదేశాలు జారీ చేసింది. ఆ ఆదేశాల మేరకు స్నాప్‌చాట్‌, అల్‌ జజీరా ఛానెల్‌ని తమ ప్రసారాల నుంచి తొలగిస్తున్నట్లు పేర్కొంది. స్థానిక చట్టాలను అల్‌ జజీరా ఛానల్‌ ఉల్లంఘిస్తున్నట్లు ఆరోపణలు రావడంతోనే, ప్రభుత్వం ఈ నిర్ణయం తీసుకుంది. ఛానల్‌ని తొలగిస్తున్నట్లు వాల్‌ స్ట్రీట్‌ జర్నల్‌లో ఆదివారం ప్రకటించింది స్నాప్‌చాట్‌. వినియోగదారులకు ఈ విషయాన్ని ముందే తెలియజేశామని స్నాప్‌ చాట్‌ అధికార ప్రతినిథి వెల్లడించారు.