ఉష్ణమండల తుఫాను చాపలా, ఒమాన్ దిశగా కదులుతున్న నేపధ్యంలో, నేడు అంటే శనివారం సాయంత్రం నుండి కుండపోతగా వర్షాలు కురుస్తాయని వాతావరణ శాఖ అధికారులు అంచనాల మేరకు పబ్లిక్ ఆధారిటీ ఫర్ సివిల్ డిఫెన్స్ అండ్ అంబులెన్స్ వారి రక్షక దళాలు మరియు అంబులెన్స్ లు సలాలా లో నియోగించబడ్డాయి. ఈదురు గాలులు లేదా వరద వలన నీటి మట్టం పెరిగినపుడు నష్టం నివారించడానికి తాము సిద్ధంగా ఉన్నామని సుల్తాన్ వారి ఆయుధ దళాలు, రాయల్ ఒమాన్ పోలీసు సిబ్బంది కూడా ప్రకటించారు. తుఫాను ధోఫార్ మరియు యెమన్ తీర ప్రాంతాల మధ్య తీరాన్ని తాకే అవకాశం ఉన్నందున, ధోఫార్ గవర్నరేట్ లోని పాఠశాలలు తుఫాను సహాయక కేంద్రాలుగా మార్చినట్టు పబ్లిక్ ఆధారిటీ ఫర్ సివిల్ ఏవియేషన్ వారు తెలిపారు. కాగా మజ్లిస్ అల్ షురా యొక్క అధ్యక్షుని, ఇద్దరు ఉపాధ్యక్షుల ఎన్నిక కొరకై ఏర్పాటుచేయబడిన అత్యవసర సమావేశం, తుఫాను ప్రభావం వలన నవంబర్ 4 కు వాయిదా వేయబడింది.