గత కొంత కాలం గా తన ఫాన్స్ తో , ఫ్రెండ్స్ తో అనేక సేవా కార్యక్రమాలు చేస్తున్న హీరో సుమన్ త్వరలో రాజకీయాల్లోకి రాబోతున్నారు అంటూ అప్పట్లోనే న్యూస్ వినిపించింది.
అదే విషయం ఆయన్ని మీడియా అడిగితే అదేమీ లేదు అనీ తనకి పాలిటిక్స్ మీద ఇంట్రెస్ట్ కూడా లేదు అని చెప్పిన సుమన్ తాజాగా తన పాలిటిక్స్ ఎంట్రీ విషయం లో మాట మార్చారు.
త్వరలోనే తాను రాజకీయంగా అడుగు పెట్టబోతున్నా అనీ పార్టీ ఏది అనే విషయం లో తనకి ఇంకా స్పష్టత రాలేదు అనీ అన్నారు. రాజకీయాల్లో నాయకులుగా ఉండే చాలామంది ప్రజా సమస్యలు పట్టించుకోవడం లేదు అనీ తను అలా జనాలని నిర్లక్ష్యం చేసే వ్యక్తిని కాను అని సుమన్ చెప్పుకొచ్చారు.
రాజకీయాల్లోకి రావాలని చాలామంది కోరుతున్నారన్నారు. ప్రజలకు తన వంతుగా సేవ చేయాలనే లక్ష్యంతోనే రాజకీయాల్లోకి వస్తున్నట్టు సుమన్ వివరించారు. ఏ పార్టీలో చేరాలనే విషయాన్ని ఇంకా నిర్ణయించుకోలేదని, అయితే త్వరలోనే ఆ విషయాన్ని ప్రకటిస్తానని సుమన్ తెలిపారు.