దుబాయ్: మీ పుట్టినరోజు సందర్భంగా, ఏ నెలలో అయితే మీ పుట్టినరోజు ఉంటుందో ఆ నెలలో మీ ముగ్గురు స్నేహితులు లేదా కుటుంబ సభ్యులతో వైల్డ్‌ వాడి పార్క్‌కి వెళితే, అక్కడ మీకు ఉచితంగా ప్రవేశం లభిస్తుంది. వైల్డ్‌ వాడి వాటర్‌ పార్క్‌ ఈ బంపర్‌ ఆఫర్‌ని ప్రకటించింది. ఈ ఆఫర్‌ని పొందేందుకు మీ పుట్టినరోజును ధృవీకరించుకునేందుకు ఎమిరేట్స్‌ ఐడీ లేదా ఒరిజినల్‌ పాస్‌పోర్ట్‌ని తీసుకువెళ్ళాల్సి ఉంటుంది. యూఏఈ రెసిడెంట్స్‌ ఆఫర్‌, లేడీస్‌ నైట్‌ ఆఫర్‌, లేట్‌ నైట్‌ ఫ్రైడేస్‌ ఆఫర్‌ వంటివి మరిన్ని ఆకర్షణీయమైన ప్యాకేజీలు అందుబాటులో ఉన్నాయి. సాధారణ అడ్మిషన్స్‌ విషయానికొస్తే, 1.1 మీటర్‌ లేదా అంతకు మించిన హైట్‌ ఉన్నవారికి 310 దిర్హామ్‌ల టిక్కెట్‌తో వైల్డ్‌ వాడీ వాటర్‌ పార్క్‌లోకి ఎంట్రీ లభిస్తుంది. 1.1 మీటర్స్‌ కంటే తక్కువ హైట్‌ ఉన్నవారికి టిక్కెట్‌ ఖరీదు 260 దిర్హామ్‌లు. ఆన్‌లైన్‌ ద్వారా టిక్కెట్లు బుక్‌ చేసుకుంటే 40 దిర్హామ్‌ల తగ్గింపు లభిస్తుంది.