సుప్రసిద్ధ నటీమణి షావుకారు జానకిని కర్ణాటక ప్రభుత్వం నేడు సత్కరించనున్నది. కన్నడ రాజ్యోత్సవ పురస్కారాన్ని బహూకరించనున్నది. కర్ణాటక ప్రభుత్వం 60మంది ప్రముఖులను కన్నడ రాజ్యోత్సవ పురస్కారంతో సత్కరిస్తున్నది. ఈ పురస్కారం కింద లక్ష రూపాయిల నగదు, 20 గ్రాముల సువర్ణ పతకాన్ని, సన్మాన పత్రాన్ని అందజేస్తారు. షావుకారు జానకిగా ప్రసిద్ధి చెందిన శంకరమంచి జానకి తెలుగు చలనచిత్ర పరిశ్రమలో సువర్ణాధ్యాయం అనదగ్గ కాలంలో పలు చిత్రాల్లో నటించారు. ఆమె నటించిన షావుకారు చిత్రం పేరే ఆమె ఇంటిపేరుగా సార్థకమైంది. ప్రస్తుతం ఆమె బెంగళూరులో స్థిర నివాసం ఏర్పరచుకున్నారు.