మినిస్ట్రీ ఆఫ్‌ ఇన్‌ఫ్రాస్ట్రక్చర్‌ డెవలప్‌మెంట్‌, ఫెడరల్‌ రోడ్లపై ఉన్న ల్యాంప్‌ పోస్ట్‌లను అద్దెకు ఇవ్వాలనే నిర్ణయానికి వచ్చింది. కేవలం ఎమిరేటీ జాతీయులకు మాత్రమే ఈ ఆఫర్‌ వర్తిస్తుంది. యూఏఈ పౌరులు, ఈ ల్యాంప్‌ పోస్టుల్ని అద్దెకి తీసుకుని, తిరిగి వాటిని ఇంకొకరికి అద్దెకివ్వడం ద్వారా ఆదాయం పొందవచ్చునని అధికారులు అంటున్నారు. మినిస్ట్రీ అండర్‌ సెక్రెటరీ హస్సన్‌ మొహమ్మద్‌ జుమా అల్‌ మన్సురి మాట్లాడుతూ, ప్రస్తుతం ల్యాంప్‌ పోస్ట్‌లను, అలాగే అద్దెకు ఇవ్వాలనుకుంటోన్న వెన్యూస్‌ని లెక్కిస్తున్నట్లు, వాటి అద్దెల వివరాల్ని మదింపు చేస్తున్నట్లు పేర్కొన్నారు. తమ ఉత్పత్తుల్ని, తమ సంస్థల్ని ప్రమోట్‌ చేసుకోవడానికి అడ్వర్టయిజింగ్‌ ఏజెన్సీలపై పలువురు ఆధారపడుతున్నారు. అలాంటివారికి ఈ ల్యాంప్‌ పోస్ట్‌లు ఎంతో ఉపయుక్తంగా మారతాయి. ఎమిరేటీలకు ఈ ల్యాంప్‌ పోస్ట్‌ల అద్దె ద్వారా భృతి దొరుకుతుందని అంచనా వేస్తున్నారు అధికారులు.