స్వీయవిశ్వం:-
- September 29, 2017సాంద్రతిమిరకుహరం
మృణ్మయవల్మీకం
కుడ్యకోణం
తరుమూలం
సర్పసరటపిపీలికాది సరీసృపాల
సువిశాలవిశ్వం;
నీరదావలయుతగగనం
హర్మ్యశిఖరం
ద్రుమోపరిపల్లవం
శాఖోపరినీడం
శుకకాకచటకాది పక్షిసమూహాల
సువిశాలవిశ్వం;
సరోవరస్రోతస్వినీమహార్ణవసలిలం
గభీరాంతస్సాగరవసిత శిలాసర్వస్వం
తీరోపరిసైకతం
సైకతోపరిప్రకాశం
మత్స్యకూర్మమకరతిమింగలాది జలచరాల
సువిశాలవిశ్వం;
నిత్యయామినీసదృశమహాంతరిక్షం
సూర్యచంద్రతారాగ్రహమండలం
సప్తఖండ పంచమహాసముద్ర పర్యంతం
సమస్తజీవసామ్రాజ్యాధిపత్యం
నానాదేశప్రదేశ మానవసమూహాల
సువిశాలవిశ్వం;
నా కన్నెంత?
నా చూపెంత?
నీటికి వెలుపల విశ్వమెంతుందో
చేపకేం తెలుసు?
అంతరిక్షం అవతల విశ్వమెంతుందో
మనిషికేం తెలుసు?
విశ్వం ఒకటి కాదు!
కోట్లాది విశ్వాలు!
ఒక్కో జీవిది ఒక్కో విశ్వం
-సిరాశ్రీ
తాజా వార్తలు
- తెలంగాణలో ఎన్నికల ప్రచారంకు రాహుల్, ప్రియాంక..
- ప్రైవేట్, ప్రభుత్వ ఉద్యోగులకు వర్క్ ఫ్రమ్ హోమ్..!
- ప్రయాణికులకు దుబాయ్ ఎయిర్పోర్ట్స్, విమానయాన సంస్థలు కీలక సూచనలు..!
- ఒమన్ లో కీలకమైన యునెస్కో, అరబ్ ప్రతినిధుల సమావేశం
- దుబాయ్ మెట్రో పని వేళలు పొడిగుంపు
- పిల్లల రక్షణకు స్మోకింగ్ వ్యతిరేక ప్రచారం ప్రారంభం
- ‘ఆటోమెకానికా రియాద్’ ఎడిషన్ ప్రారంభం
- షార్జాలో స్కూళ్లలో ఆన్లైన్ ఎడ్యుకేషన్ అమలు
- అద్భుతంగా 'వరల్డ్ తెలుగు కన్సార్టియం' అంతర్జాల సమావేశం
- లండన్లో కత్తిపోట్లు..పలువురికి గాయాలు