'ఉయ్యాలవాడ నరసింహారెడ్డి' జీవితచరిత్ర కథాంశాన్ని తన 151వ సినిమాగా ఎన్నుకున్నారు మెగాస్టార్ చిరంజీవి. సైరా నరసింహారెడ్డి' ఇటీవలే లాంఛనంగా మొదలైంది. సురేందర్‌ రెడ్డి దర్శకత్వం వహిస్తున్న ఈ చిత్రాన్ని రామ్‌చరణ్‌ నిర్మిస్తున్నారు. త్వరలోనే సెట్స్ పైకి వెళ్లనుంది. ఇప్పటికే కథానాయికగా నయనతారని ఎంచుకొన్నారు. ప్రగ్యా జైస్వాల్‌కీ స్థానం దక్కింది.
ఈ సినిమాకి సంబధించిన లేటెస్ట్ న్యూస్ ఏమిటంటే.. ఈ సినిమా నిర్మాణ బాధ్యతలను రామ్ చరణ్ కంటే ఎక్కువగా ఆయన భార్య ఉపాసన చూసుకోనుందని సినీ వర్గాల్లో వినిపిస్తుంది. రామ్ చరణ్ 'రంగస్థలం 1985' సినిమా షూటింగ్‌లో బిజీగా ఉండటంతో 'సైరా'కు ఉపాసన వర్కింగ్ ప్రొడ్యూసర్‌గా మారిందని అంటున్నారు. ప్రస్తుతం ఈ సినిమాకి ప్రీ ప్రొడక్షన్‌ జోరుగా జరుగుతున్నాయి దీపావళి తరవాతే ఈ సినిమాని సెట్స్‌పైకి తీసుకువెళతారు.