`మా` మూవీ ఆర్టిస్ట్ అసోసియేష్ ఏర్పాటై 25వ వ‌సంతంలోకి అడుగు పెట్టిన  సంద‌ర్భంగా `మా` టీమ్ సిల్వ‌ర్ జూబ్లీ వేడుక‌ల‌ను ఘ‌నంగా నిర్వ‌హించ‌డానికి రంగం సిద్ధం చేసింది. దీనిలో భాగంగా ఆదివారం ఉద‌యం హైద‌రాబాద్ ఫిలిం ఛాంబ‌ర్‌లో ఈ వారంతంలో బ‌ర్త్ డేలు జ‌రుపుకుంటోన్న‌ మా టీమ్ స‌భ్యుల‌కు మెమోంటోలు అంద‌జేశారు. అక్టోబ‌ర్ 4 నుంచి వ‌చ్చే ఏడాది వ‌ర‌కూ ఈ విధానం కొన‌సాగ‌నుంది.  ఈ సిల్వ‌ర్ జూబ్లీ వేడుక‌ల‌ను మెగాస్టార్ చిరంజీవి ,నటరత్నాబాల‌కృష్ణ గారు, విక్టరి వెంక‌టేష్, ఎవర్ గ్రీన్ నాగార్జున, డైలాగ్ కింగ్ మోహ‌న్ బాబు  మెంట‌ర్స్ గా ఉంటారు. నాగార్జున స్టూడియోల‌ను ఉచితంగా వినియోగించుకోవడానికి అనుమ‌తించారు. ఈరోజు నుంచి ఈనెల 30వ తేదీ వ‌ర‌కూ మా మెంబ‌ర్ షిప్ డ్రైవ్ ఉంటుంది.  ల‌క్ష‌ల్లో పారితోషికం తీసుకేనే వాళ్లంతా మెంబ‌ర్ షిప్ తీసుకోవాలి అని లేక‌పోతే `మా` నుంచి ఎలాంటి స‌హ‌కారం అంద‌దు అని  `మా` అధ్య‌క్షుడు శివాజీరాజా విన్న‌వించుకున్నారు.