నగరంలోని పలు ప్రాంతాల్లో వర్షం కురిసింది. దిల్‌సుఖ్‌నగర్‌, ఉప్పల్‌, హయత్‌నగర్‌, చార్మినార్‌, చాంద్రాయణగుట్ట తదితర ప్రాంతాల్లో వర్షం కురిసింది. దీంతో లోతట్టు ప్రాంతాలు జలమయమయ్యాయి. పలుచోట్ల విద్యుత్‌ సరఫరాకు అంతరాయం కలిగింది. రహదారులపై నీరు నిలిచిపోవడంతో వాహనదారులు ఇబ్బందులకు గురయ్యారు. గత రాత్రి కురిసిన భారీ వర్షానికి నగరంలో అస్తవ్యస్థ పరిస్థితి నెలకొంది. మరో రెండు రోజుల పాటు వర్షాలు కురిసే అవకాశం ఉండటంతో అధికారులు అప్రమత్తమయ్యారు. మరోవైపు మంత్రి కేటీఆర్ జీహెచ్ఎంసీ, జలమండలి అధికారులతో తీసుకోవాల్సిన చర్యలపై సమీక్షించారు. ఈ సందర్భంగా పలు సూచనలు చేశారు.  హైదరాబాద్‌లో పలు ప్రాంతాల్లో వర్షం