మనుషులకే కానీ బేధభావాలు... ప్రకృతికి ఉండదు. ప్రకృతి కన్నెర చేస్తే.. సామాన్యులైనా.. సెలబ్రిటీలైనా ఇబ్బందులు ఎదుర్కొనాల్సిందే... రెండు రోజులనుంచి హైదరాబాద్ లో ముంచెత్తుతున్న వర్షాలతో సామాన్యులతో పాటు.. సినీ ప్రముఖులు కూడా తీవ్రంగా ఇబ్బందులు పడాల్సిన పరిస్తితి ఏర్పడింది. హైదరాబాద్ లోని జూబ్లీ, బంజారా హిల్స్ ల తర్వాత ఎక్కువగా సిటీ కి దూరంగా ఉన్న మణికొండ ప్రాంతంలో సినీ సెలబ్రిటీలు తమ నివాసాలు ఏర్పరచుకున్నారు. ఇటీవల కురిసిన వర్షాలకు మణికొండ లోని పంచవటి కాలనీలో నివాసముండే ప్రముఖ దర్శకుడు రాజమౌళి తో పాటు.. రోజా, శివబాలాజీ, శర్వానంద్ వంటి సినీ ప్రముఖులు కూడా వర్ష బాధితులే..!! 
పంచవటి కాలనీకి పైభాగంలో ఉండే బుల్కాపూర్ నాలా దెబ్బతినడంతో వరదనీరు కాలనీని ముంచెత్తింది.. దీంతో రోజా, శర్వానంద్ ఇళ్లతో సహా... శివబాలాజీ నివాసం ఉండే శ్యామ్స్ వింటేజ్ అపార్ట్ మెంట్స్ సెల్లార్ పూర్తిగా నీటమునిగిపోయింది. ఇక రాజమౌళి గెస్ట్ హౌస్ పూర్తిగా నీట మునిగింది. దీంతో మినీ థియేటర్ దెబ్బతింది అని తెలుస్తోంది.