సినీ తారలను అశ్లీలంగా చూపిస్తున్నారన్న ఫిర్యాదుపై సీఐడీ పోలీసులు పలు సినీ వెబ్‌సైట్లపై బుధవారం కేసు నమోదు చేశారు. మూవీ ఆర్టిస్ట్‌ ఆసోసియేషన్‌ ప్రతినిధులు ఇటీవల సీఐడీలోని సైబర్‌ నేరాల ఎస్పీ యు.రామ్మోహన్‌ను కలిసి ఫిర్యాదు చేశారు. సినీతారల చిత్రాలను తారుమారు చేసి, వారిపై లేనిపోని కథనాలు ప్రచారం చేయడం, దృశ్య రూపంలో ప్రసారం చేయడం ద్వారా కొన్ని సినీ వెబ్‌సైట్లు వారి పరువుకు భంగం కలిగిస్తున్నాయని, అలాంటి వెబ్‌సైట్లపై కఠిన చర్యలు తీసుకోవాలని ఆ ఫిర్యాదులో పేర్కొన్నారు. దీనిపై ప్రాథమిక దర్యాప్తు జరిపిన సైబర్‌ పోలీసులు పదుల సంఖ్యలో వెబ్‌సైట్లపై కేసులు నమోదు చేశారు. దర్యాప్తులో భాగంగా వీటి యాజమాన్యాలపై చర్యలు తీసుకోనున్నారు.