అమరావతి: సీఎం చంద్ర‌బాబు మూడు దేశాల విదేశీ టూర్ షెడ్యూల్ ఖ‌రారైంది. ఈ నెల 18 నుంచి 26 వ‌ర‌కు చంద్ర‌బాబు అమెరికా, యూఏఈ, ఇంగ్లండ్ లో ప‌ర్య‌టించ‌నున్నార‌ని ప్ర‌భుత్వ స‌ల‌హాదారుడు ప‌ర‌కాల ప్ర‌భాక‌ర్ తెలిపారు. పెట్టుబ‌డుల ఆక‌ర్ష‌ణ‌, రాజ‌ధాని ప‌రిపాల‌న న‌గ‌రం ఆకృతుల ఖ‌రారు ల‌క్ష్యంగా సీఎం ప‌ర్య‌ట‌న ఉంటుంద‌ని వెల్ల‌డించారు. ఈ నెల 18 నుంచి 20 వ‌ర‌కు అమెరికాలో, 21 నుంచి 23 వ‌ర‌కు యూఏఈలో, 24 నుంచి 26 వ‌ర‌కు ఇంగ్లండ్ లో చంద్ర‌బాబు ప‌ర్య‌టించ‌నున్న‌ట్లు తెలిపారు. ఇంగ్లండ్ లో సీఎం చంద్ర‌బాబుకు గోల్డెన్ పీకాక్ అవార్డ్ బ‌హూక‌ర‌ణ జ‌రగ‌నుంద‌ని పేర్కొన్నారు.