సినీ నటి భావన దుబాయ్‌లో సందడి చేశారు. జుమైరాలోని అల్‌ వాసల్‌ రోడ్డులోగల 'సెలబ్‌ డిజైనర్‌ బషీర్‌ న్యూ ఔట్‌ పోస్ట్‌'ని ప్రారభించేందుకు ఆమె దుబాయ్‌ వచ్చారు. డిజైనర్‌ వస్త్రధారణలో భావన మెరిసిపోయారు. ఈ సందర్భంగా భావన ఇటీవల తన జీవితంలో చోటు చేసుకున్న పరిణామాలపై పెదవి విప్పారు. మహిళలపై వేధింపులు సర్వసాధారణమైపోయాయనీ, తనకూ అలాంటి ఘటనే ఎదురయ్యిందనీ, అంతమాత్రాన సినీ పరిశ్రమని తప్పుపట్టకూడదని చెప్పిన భావన, కొందరు వ్యక్తుల వల్ల యావత్‌ సినీ పరిశ్రమపై చెడు భావన రావడం బాధాకరమని అన్నారు. తన జీవితంలోనే అత్యంత బాధాకరమైన ఘటన తాను ఎదుర్కొన్నట్లు భావన చెప్పారు. భావనని కిడ్నాప్‌ చేసి, ఆమెతో అసభ్యకరంగా ప్రవర్తించారు కొందరు వ్యక్తులు. సినీ పరిశ్రమకు చెందిన ఓ వ్యక్తి ఈ ఘాతుకానికి ఒడిగట్టాడు. ఆమె మీద కక్షతోనే సినీ ప్రముఖుడు దిలీప్‌ కొందరితో ఈ పని చేయించాడు. సినీ పరిశ్రమలోకి ప్రముఖులు తమ వారసుల్ని తీసుకొస్తున్నారంటే, సినీ పరిశ్రమపై ఎంత ప్యాషన్‌తో ఉంటున్నారో అర్థం చేసుకోవచ్చని చెబుతున్న భావన, 'ఆ ఘటన' తర్వాత తనకు ప్రతి ఒక్కరూ సాయంగా నిలిచారని వివరించింది.