అకస్మాత్తుగా కురిసిన భారీ వర్షంతో భాగ్యనగరం చిగురుటాకులా వణికింది. రోడ్లన్నీ జలమయం అయ్యాయి. దీంతో రవాణా పూర్తిగా స్థంభించిపోయింది. నాలాలు ఉప్పొంగి ప్రవహిస్తున్నాయి. పలుచోట్ల ఇళ్లలోకి వర్షపు నీరు రావడంతో ప్రజలు తీవ్ర ఇక్కట్లు ఎదుర్కొంటున్నారు. కూకట్‌పల్లి, నిజాంపేట్‌, ప్రగతినగర్‌, జూబ్లీహిల్స్‌, బంజారాహిల్స్‌, మెహిదీపట్నం, గచ్చిబౌలి, షేక్‌పేట్‌, మూసాపేట్‌, మాదాపూర్‌, సికింద్రాబాద్‌, అల్వాల్‌, నాంపల్లి, కోఠి, లక్డీకాపూల్‌, అమీర్‌పేట్‌, పంజాగుట్ట ప్రాంతాల్లో ఆకాశానికి చిల్లు పడిందా అన్నట్లు అతిభారీ వర్షం కురిసింది. రోడ్లన్నీ జలమయం అవడంతో రవాణా పూర్తిగా స్తంభించిపోయింది.