అగ్రరాజ్యం అమెరికా మరోసారి కాల్పుల మోతతో దద్దరిల్లింది. టెక్సాస్‌ టెక్‌ యూనివర్శిటీలో ఓ దుండగుడు జరిపిన కాల్పుల్లో ఒక పోలీస్‌ అధికారి మృతిచెందారు. అధికారులు తెలిపిన వివరాల ప్రకారం.. యూనివర్శిటీ క్యాంపస్‌లో డ్రగ్స్‌ వ్యాపారం జరుగుతోందని సమాచారం రావడంతో పోలీసులు తనిఖీలు చేపట్టారు. ఆ సయమంలో అనుమానాస్పదంగా తిరుగుతున్న ఓ వ్యక్తిని అరెస్టు చేశారు. అయితే అతడిని స్టేషన్‌ను తరలిస్తుండగా.. దుండగుడు తుపాకీ బయటకు తీసి పోలీస్‌ అధికారిపై కాల్పులు జరిపాడు. ఈ ఘటనలో ఆ అధికారి అక్కడికక్కడే మృతిచెందారు. కాల్పుల అనంతరం దుండగుడు పారిపోయాడు. దీంతో పోలీసులు గాలింపు చేపట్టారు. ఘటన నేపథ్యంలో యూనివర్శిటీని మూసివేశారు. విద్యార్థులు జాగ్రత్తగా ఉండాలంటూ హెచ్చరికలు జారీ చేశారు. దుండగుడి వివరాలు తెలియరాలేదు.  

ఇటీవలే లాస్‌వేగాస్‌లో ఓ దుండగుడు మారణహోమం సృష్టించిన విషయం తెలిసిందే. సంగీత కచేరీ జరుగుతుండగా వరుస కాల్పులకు పాల్పడ్డాడు. ఈ ఘటనలో 59 మంది ప్రాణాలు కోల్పోయారు. పెళ్లి సంబంధం కోసం వెతుకుతున్నారా?... అందుకు సరైన వేదిక'ప్రజాశక్తి పెళ్లిపుస్తకం'. వెంటనే రిజిస్టర్ చేసుకోండి - రిజిస్ట్రేషన్ ఉచితం