కువైట్ :  ' కాలం ఎంతటి గాయానైనా మాన్పుతుందని..బహుశా అనుకున్నాడేమో ఆ భారతీయ వ్యక్తి '  కానీ కువైట్ లో నేరాలకు ఆ మాటలు వర్తించవని నిరూపితమయ్యాయి. 20 ఏళ్ల క్రితం కువైట్ లో  నేరారోపణ నేపథ్యంలో దేశ బహిష్కరణకు గురైన ఓ భారతీయదు.. విషయం చల్లబడిందని భావించి మెల్లగా తిరిగి కువైట్  దేశంలోకి అక్రమంగా అడుగు పెట్టాడు. దేశంలోకి ప్రవేశించేందుకు ప్రయత్నించిన మరుక్షణమే ఆ నిందితుడిని   కువైట్ అంతర్జాతీయ విమానాశ్రయంలోనే అధికారులు అరెస్టు చేశారు. విమానాశ్రయంలో ఓ అధికారి ఆ వ్యక్తి వివరాలను తనిఖీ చేసి, సంబంధిత వ్యక్తి ఇరవై ఏళ్ళ క్రితమే దేశ బహిష్కారణకు గురై  కువైట్ లోనికి ప్రవేశించకుండా నాడు ప్రభుత్వం చర్యలు తీసుకొన్నట్లు గుర్తించాడు . తదుపరి దర్యాప్తు కోసం సంబంధిత అధికారులకు నేరస్థుడ్ని సూచించారు.