బుధవారం అంతర్జాతీయ బాలికల దినోత్సవాన్ని పురస్కరించుకుని ప్రియాంక ఇన్‌స్టాగ్రాంలో తన తల్లి గురించి, ఆడపిల్లల గురించి ఆసక్తికరమైన పోస్ట్ పెట్టింది. ఆడపిల్లల భవిష్యత్తును తీర్చిదిద్దడంలో తల్లి కీలక పాత్ర వహిస్తుంది. ఈ రోజున నేనీ స్థాయిలో ఉండడానికి కారణం మా అమ్మ. మా అమ్మ చాలా పట్టుదలగల మనిషి. చాలా తెలివైంది. తను అనుకున్నది సాధించడం కోసం ఇల్లు వదిలి వెళ్లి పోయింది. మెడిసిన్‌కు సంబంధించి ఎనిమిది సర్టిఫికెట్లు అందుకుంది. ఆర్మీలో వైద్యురాలిగా పనిచేసింది. వైద్యురాలిగానే కాకుండా ఫైలట్‌గా కూడా సర్టిఫికెట్ తెచ్చుకుంది. తొమ్మిది భాషలు అనర్గళంగా మాట్లాడగలదు. వీటన్నింటికీ మించి ఓ గొప్ప తల్లి, కుమార్తె, సోదరి, భార్య, వ్యాపార వేత్త కూడా. నా బలం, బలహీనత కూడా మా అమ్మే. అందుకే ఆమే నా హీరో అని ఇన్‌స్టాగ్రామ్‌లో పోస్ట్ పెట్టింది. ప్రస్తుతం మూడు హాలీవుడ్ ప్రాజెక్టులతో బిజీగా ఉంది ప్రియాంక.