ఇద్దరు గల్ఫ్‌ జాతీయులుకు ఆరు నెలల జైలు శిక్ష విధించింది న్యాయస్థానం. పోలీస్‌ అధికారిపై దాడికి యత్నించిన కేసులో వీరికి జైలు శిక్ష విధించడం జరిగింది. పెట్రోల్‌ డ్యూటీలో సహచరుడితో కలిసి ఉన్న సమయంలో మరో పెట్రోల్‌ వాహనం నుంచి సహాయం కోసం సమాచారం అందగా, అటువైపుగా వాహనంతో కలిసి వెళ్ళారు బాధిత అధికారి. ఈ క్రమంలో ఎస్‌యూవీలో వచ్చిన ఇద్దరు గల్ఫ్‌ జాతీయులు, ఆ ఎస్‌యూవీని పోలీసు పెట్రోల్‌ వాహనంపైకి పోనిచ్చారు. పెట్రోల్‌ వాహనం ఎంతగా తప్పించుకునే ప్రయత్నం చేసినా, ఎస్‌యూవీ మాత్రం పెట్రోల్‌ వాహనాన్ని విడిచిపెట్టలేదు. ఈ క్రమంలో పెట్రోల్‌ వాహనంలో ఉన్న అధికారికి గాయాలయ్యాయి. పెట్రోల్‌ వాహనంలోని అధికారి మరో పెట్రోల్‌ వాహనంలో ఉన్నవారిని సహాయం అర్థించడంతో వారు వచ్చి, నిందితుల్ని అరెస్ట్‌ చేశారు.