రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), ఎన్‌ఓఎల్‌ కార్డులకు సంబంధించి లాయల్టీ పాయింట్స్‌ ప్రోగ్రామ్‌ని ప్రారంభించనుంది. ఎన్‌ఓఎల్‌ ప్లస్‌ ప్రోగ్రామ్‌, ఈ ఏడాది చివరి నాటికి అందుబాటులోకి రానుంది. ఎన్‌ఓఎల్‌ కార్డులకు ఈ కొత్త విధానం ద్వారా పాజిటివ్‌ పాయింట్స్‌ అందుతాయి. వీటిని కూపన్లు లేదా వోచర్లుగా మార్చుకోవచ్చు. కేఫ్‌లు, రెస్టారెంట్లు, ఎంటర్‌టైన్‌మెంట్‌ సెంటర్స్‌లో వాటిని వినియోగించడానికి వీలుంటుంది. ఆర్‌టిఎ కార్పొరేట్‌ టెక్నాలసీ సపోర్ట్‌ సర్వీస్‌ సెక్టార్‌- ఆటోమేటెడ్‌ ఫేర్‌ కలెక్షన్‌ సిస్టమ్స్‌ డైరెక్టర్‌ ఖాలిద్‌ అల్‌ అవధి మాట్లాడుతూ, తొలిసారిగా ఎన్‌ఓల్‌ కార్డుదారులకు లాయల్టీ పాయింట్స్‌ అందించే విధానాన్ని అమలులోకి తీసుకురావాలనుకుంటున్నట్లు చెప్పారు. ఎన్‌ఓఎల్‌ కార్డుల ద్వారా మెట్రో, పబ్లిక్‌ బస్‌లు, ట్రామ్‌, మెరైన్‌ ట్రాన్స్‌పోర్ట్‌ మీన్స్‌, పార్కింగ్‌, ఎతిహాద్‌ మ్యూజియం / పబ్లిక్‌ పార్క్‌ల విజిటింగ్‌ వంటివాటికి ఉపయోగిస్తే దానికి అనుగుణంగా లాయల్టీ పాయింట్లు వినియోగదారులకు చేరతాయి.