ఆరేళ్ళ చిన్నారి అడమ్‌ మొహమ్మద్‌ అమెర్‌కి పైలట్‌ అవ్వాలనే కోరిక ఉంది. విమానాల్ని నడపడం, ప్రత్యేక పరిస్థితుల్లో పైలట్‌ ఎలా వ్యవహరిస్తాడు? వంటి అంశాలపై ఆసక్తి ఎక్కువ. యూ ట్యూబ్‌ ద్వారా దీనికి సంబంధించిన సమాచారాన్ని అడమ్‌ పొందడమే కాకుండా, పైలట్‌ అవ్వాలన్న కోరికను సోషల్‌ మీడియాలో వ్యక్తం చేయడం, దానికి ప్రాచుర్యం లభించడం జరిగాయి. ఫ్లైట్‌ కెప్టెన్‌ సమెర్‌ యక్లెఫ్‌ ద్వారా ఆ చిన్నారి కోరిక కూడా తీరింది. ఎతిహాద్‌ ఎయిర్‌వేస్‌ వైస్‌ ప్రెసిడెంట్‌ ఫ్లైట్‌ ఆపరేషన్స్‌ కెప్టన్‌ మాజెద్‌ అల్‌ మజ్రోకి ఆ బాలుడి ఉత్సాహాన్ని చూసి మురిసిపోయారు. ఎతిహాద్‌ ట్రైనింగ్‌ సెంటర్‌కి ఆ బాలుడ్ని తీసుకెళ్ళి, ఎయిర్‌బస్‌ ఎ380 సిమ్యులేటర్‌ ద్వారా శిక్షణ కూడా ఇప్పించారు. భవిష్యత్తులో ఆడమ్‌ మంచి పైలట్‌ అయ్యేందుకు అవకాశాలున్నాయని ఎతిహాద్‌ ప్రతినిథులు తెలిపారు. ఈ విజయగాధకి సోషల్‌ మీడియాలో మంచి రెస్పాన్స్‌ లభిస్తోంది.