భారీ అంచనాలతో తెరకెక్కించిన చిత్రం 'స్పైడర్' అనుకున్నంత సక్సెస్ సాధించలేకపోయింది. మహేష్‌ ఖాతాలో మరో డిజాస్టర్‌ని మిగిల్చింది. చిత్ర నిర్మాతకి భారీ నష్టాన్ని తెచ్చిపెట్టింది. ఈ క్రమంలో నిర్మాతకి అండగా నిలుస్తానని మాట ఇచ్చాడట మహేష్.  తాను స్పైడర్‌ సినిమాకి తీసుకున్న రెమ్యునరేషన్‌లో కొంత మొత్తాన్ని తిరిగి ఇచ్చేయాలనుకుంటున్నాడట. ప్రస్తుతం 'భరత్ అను నేను'  చిత్రంలో నటిస్తూ బిజీగా ఉన్నాడు మహేష్. గతంలో మహేష్ తండ్రి సూపర్ స్టార్ కృష్ణ కూడా తనతో సినిమాలు తీసిన నిర్మాత నష్టపోతే రెమ్యునరేషన్ తిరిగి ఇచ్చేయడమో లేక వారితోనే మళ్లీ సినిమా చేయడమో చేసి నిర్మాతలకు అండగా నిలిచే వారు. ఇప్పుడు మహేష్ కూడా తండ్రి బాటలోనే పయనిస్తూ నిర్మాతలకు కొంత ఊరట కలిగిస్తున్నాడని టాలీవుడ్ టాక్.