అత్యంత ప్రతిష్టాత్మకంగా తెరకెక్కుతున్న చిత్రం పద్మావతి.  ప్రముఖ బాలీవుడ్ దర్శకుడు సంజయ్ లీలా బన్సాలీ రూపొందించిన పద్మావతి చిత్రం ట్రైలర్ ఈ మధ్యే విడుదలైంది. ఈ చిత్రాన్ని అభిమానించే వారితో పాటు విమర్శించేవారూ లేకపోలేదు. షూటింగ్ సమయంలో కూడా నిరసనలు వ్యక్తమయ్యాయి. తాజాగా గుజరాత్‌లోని సూరత్‌కు చెందిన కళాకారుడు కరణ్ జరీవాలా 48 గంటల పాటు శ్రమించి పద్మావతిని నేలపై రంగులతో అందంగా తీర్చి దిద్దాడు. అయితే ఈ సినిమాపై ఆగ్రహంతో ఉన్న పలువురు చిత్రాన్ని తొక్కి పాడు చేశారు. ఈ సినిమాపై రాజపుత్ వర్గీయులు నిరసన వ్యక్తం చేస్తున్నారు. డిసెంబర్ 1న విడుదల కానున్న ఈ చిత్ర ట్రైలర్ చర్చనీయాంశంగా మారింది.