'కిల్లింగ్‌ వీరప్పన్‌' వీడియో సాంగ్స్‌ విడుదల గంధపు చెక్కల స్మగ్లర్‌ వీరప్పన్‌ జీవిత చరిత్ర ఆధారంగా ప్రముఖ దర్శకుడు రామ్‌గోపాల్‌వర్మ తెరకెక్కించిన చిత్రం 'కిల్లింగ్‌ వీరప్పన్‌'. ఈ చిత్రంలోని రెండు పాటలను కన్నడ భాషలో విడుదల చేసినట్లు రామ్‌గోపాల్‌వర్మ తన ట్విట్టర్‌ ఖాతా ద్వారా తెలిపారు. ఈ పాటలను కన్నడ గాయకులు పునీత్‌ రాజ్‌కుమార్‌, శివరాజ్‌కుమార్‌లు ఆలపించినట్లు పేర్కొన్నారు. ఈ చిత్రంలో నటులు శివరాజ్‌కుమార్‌, సందీప్‌ భరద్వాజ్‌, యజ్ఞశెట్టి తదితరులు ప్రధాన పాత్రలు పోషించారు. తెలుగు, తమిళం, కన్నడ, హిందీ భాషల్లో 'కిల్లింగ్‌ వీరప్పన్‌' ప్రేక్షకుల ముందుకు రానుంది.