ఊహించని పరిణామం. సొలిసిటర్‌ జనరల్ రంజిత్‌ కుమార్‌ రాజీనామా చేశారు. శుక్రవారం ఈ విషయాన్ని  అదనపు సొలిసిటర్‌ జనరల్‌ తుషార్‌ మెహతా మీడియాతో ధృవీకరించారు. 

అయితే వ్యక్తిగత కారణాలతోనే ఆయన రాజీనామా చేసినట్లు సమాచారం. కుటుంబం కోసం సమయం కేటాయించేందుకే తాను రాజీనామా చేసినట్లు ఓ జాతీయ మీడియా సంస్థతో ఆయన చెప్పారు.  2014 లో ఎన్డీయే ప్రభుత్వం ఆయనను సొలిసిటర్‌ జనరల్‌గా నియమించింది. ఈ యేడాది జూన్‌లో ఆయన పదవికాలాన్ని మరోమారు పొడిగిస్తూ కేంద్ర ప్రభుత్వం నిర్ణయం తీసుకుంది.