అక్టోబర్‌ 24న లక్నో - ఆగ్రా ఎక్స్‌ప్రెస్‌ హైవేపై భారతీయ వైమానిక దళం భారీ వైమానిక విన్యాసాలకు సిద్ధమైంది. వివిధ రకాల 20 విమానాలు ఎక్స్‌ప్రెస్‌ హైవేపై దిగడంతో పాటు తిరిగి టేకాఫ్‌ తీసుకోనున్నాయి. వీటిలో విపత్తుల్లో బాధితులకు సాయం అందించేందుకు సైన్యం వినియోగించే ఏఎన్‌ 32, మిరాజ్‌ 2000, సుఖాయ్‌ 30ఎంకేఐ యుద్ధ విమానాలు ఉన్నాయి. ఈ పరీక్ష కోసం అక్టోబర్‌ 20 నుంచి ఎక్స్‌ప్రెస్‌ హైవేపై వాహనాల రాకపోకలు నిషేధించనున్నట్లు వైమానిక దళాధికారులు తెలిపారు.