మనామా: కుటుంబ తగాదాల కారణంగా ఓ బహ్రెయినీ వ్యక్తి తన తండ్రిని హతమార్చడం జరిగింది. తన తండ్రిని నిందితుడు రెండుసార్లు పదునైన కత్తితో పొడిచి చంపాడు. తీవ్రగాయాలతో బాధితుడు అక్కడికక్కడే రక్తపు మడుగులో ప్రాణాలు కోల్పోయినట్లు తెలియవస్తోంది. ముహరాక్‌ గవర్నరేట్‌ పరిధిలోని గాలాలిలో ఈ ఘటన చోటు చేసుకుంది. ఇంటీరియర్‌ మినిస్ట్రీ ఈ ఘటనను ధృవీకరించింది. నిందితుడ్ని అరెస్ట్‌ చేసిన పోలీసులు, విచారణ కొనసాగిస్తున్నారు.