మనామా: డైరెక్టర్‌ జనరల్‌ ఆఫ్‌ సివిల్‌ డిఫెన్స్‌, భవనాల నిర్మాణంలో సాధారణ భద్రతా ప్రమాణాలు పాటించాల్సిందేనని తేల్చి చెప్పారు. లైసెన్స్‌ లేని ఎస్టాబ్లిష్‌మెంట్స్‌, ప్రాపర్టీస్‌ విషయమై ఎప్పటికప్పుడు తనిఖీలు జరుగుతుంటాయనీ, తమ తనిఖీల్లో నిబంధనల ఉల్లంఘన జరిగినట్లు తేలితే కఠిన చర్యలు తప్పవని హెచ్చరించారు అధికారులు. ఇటీవల జరిగిన చాలా అగ్ని ప్రమాదాల్లో ఆయా భవనాలు నిబంధనల్ని పాటించలేదని తేలినట్లు అధికారులు చెప్పారు. సివిల్‌ డిఫెన్స్‌ చట్టం ప్రకారం ఆకస్మికంగా తనిఖీలు చేసే హక్కు సివిల్‌ డిఫెన్స్‌ వర్గాలకు ఉందని, ఉల్లంఘనలకు పాల్పడినవారిపై కఠినమైన శిక్షలు తప్పవని వివరించారు.