2017, డిసెంబర్‌ 1 నుంచి అబుదాబీ పోలీసులు కొత్త పర్మనెంట్‌ రిజిస్ట్రేషన్‌ కార్డులను వాహనాలకోసం జారీ చేయనున్నారు. ఈ కొత్త కార్డులపై ఎక్స్‌పైరీ డేట్‌ ఉండదు. ఆ ఎక్స్‌పైరీ డేట్‌ ట్రాఫిక్‌ అండ్‌ లైసెన్సింగ్‌ సిస్టమ్‌ వద్ద అందుబాటులో ఉంటుంది. ఫేస్‌ బుక్‌ ద్వారా అబుదాబీ పోలీస్‌ జనరల్‌ హెడ్‌ క్వార్టర్స్‌ వెల్లడించింది. ఎక్స్‌పైరీ డేట్‌కి సంబంధించి ఎస్‌ఎంఎస్‌ ద్వారా సమాచారం అందిస్తారు. నెల రోజుల ముందుగా ఈ మెసేజ్‌ వెళుతుంది. రిజిస్ట్రేషన్‌ కార్డులో ఎలాంటి మార్పులు లేకుండా, రెన్యువల్‌ చేసుకోవడానికి వీలుంటుంది. వాహనదారులు అబుదాబీ పోలీస్‌ స్మార్ట్‌ అప్లికేషన్స్‌ లేదా వెబ్‌సైట్‌ ద్వారా కార్డ్‌ ఎక్స్‌పైరీపై సమాచారం తెలుసుకోవచ్చు.