మూవీ మొఘల్ దగ్గుబాటి రామానాయుడు కుమారులలో సురేష్ నిర్మాతగా, వెంకటేష్ హీరోగా సెటిల్ అయ్యారు.. ఇక సురేష్ కుమారుడు రానా విలక్షణ నటుడిగా కొనసాగుతున్నాడు.. ఇప్పుడు ఈ ఫ్యామిలీ నుంచి మరో హీరో రానున్నాడు.. రానా సోదరుడు అభిరామ్ టాలీవుడ్ ఎంట్రీకి రంగం సిద్ధమైంది.. ఇప్పటికే నటనలో శిక్షణ పొందిన అభిరామ్ త్వరలోనే ముఖానికి రంగేసుకోబోతున్నాడు. అతడు నటించే మూవీకి శంకర్ నాథ్ దుర్గ దర్శకత్వం వహించబోతున్నాడు.. ఈ డైరెక్టర్ గతంలో మోహన్ బాబు, శర్వానంద్ కాంబినేషన్లో 'రాజు - మహారాజు' సినిమా చేశాడు. ఇప్పుడు సురేష్ బ్యానర్ లో అభిరామ్ ను పరిచయం చేయనున్నాడు.