తమిళ స్టార్ ఇళయదళపతి విజయ్ మూవీ 'మెర్సల్'లో వివాదాస్పద డైలాగులు పెద్ద ఎత్తున దుమారం సృష్టించాయి. ముఖ్యంగా జీఎస్టీ మీద బాంబుల్లాంటి డైలాగులు ఉండడంతో బీజేపీ తీవ్రంగా స్పందించింది. కేంద్రం ప్రవేశపెట్టిన జీఎస్టీపై అభ్యంతరకర వ్యాఖ్యలు, సన్నివేశాలు ఉన్నాయని ఆ పార్టీ నేతలు భగ్గుమన్న సంగతి తెలిసిందే.వాటిని వెంటనే తొలగించాలని వారు డిమాండ్ చేయడంతో ఇందుకు ఈ చిత్రం ప్రొడక్షన్ హౌస్ అంగీకరించింది. జీ ఎస్టీ గురించి తప్పుదోవ పట్టించే డైలాగులు, సీన్లు తొలగించడానికి సిద్ధంగా ఉన్నట్టు ప్రకటించింది. దీంతో ఈ చిత్రం పై తలెత్తిన వివాదం సద్దు మణగవచ్చు. ఏమైనా మెర్సల్ మూవీ దేశ వ్యాప్తంగా సంచలన చిత్రమే అయింది.