డెన్మార్క్ ఓపెన్ సూపర్ సిరీస్ టైటిల్‌ను తెలుగుతేజం కిదాంబి శ్రీకాంత్ కైవసం చేసుకున్నాడు. వన్‌సైడ్‌గా సాగిన ఫైనల్లో శ్రీకాంత్ 21-10,21-5 స్కోర్‌తో లీ హ్యున్‌పై విజయం సాధించాడు. తుది పోరులో ఫేవరెట్‌గా బరిలోకి దిగిన శ్రీకాంత్‌కు ప్రత్యర్థి ఏ మాత్రం పోటీనివ్వలేకపోయాడు. దీంతో ఈ ఏడాది మూడో సూపర్ సిరీస్ టైటిల్ ఖాతాలో వేసుకున్నాడు. ఈ ఏడాది ఇండోనేషియన్, ఆస్ట్రేలియన్ ఓపెన్ గెలిచిన ఈ తెలుగుతేజం సింగపూర్ ఓపెన్‌లో ఫైనల్‌కు చేరుకున్నాడు. తాజా విజయంతో వరల్డ్ ర్యాంకింగ్స్‌లోనూ శ్రీకాంత్ ముందంజ వేశాడు.