తొలి చిత్రం `ఊయ్యాల జంపాల‌`తో స‌క్సెస్‌ఫుల్ హీరోగా కెరీర్‌ను స్టార్ట్‌చేసిన యువ క‌థానాయ‌కుడు రాజ్‌త‌రుణ్. వ‌రుస విజ‌యాల‌తో తెలుగు ప్రేక్ష‌కులదరికీ చాలా ద‌గ్గ‌ర‌య్యారు. రాజ్‌త‌రుణ్ హీరోగా ప్ర‌ముఖ నిర్మాణ సంస్థ శ్రీ వెంక‌టేశ్వ‌ర క్రియేష‌న్స్ ప‌తాకంపై హిట్ చిత్రాల నిర్మాత దిల్‌రాజు నిర్మాణంలో కొత్త సినిమా `లవర్` మంగ‌ళ‌వారం హైద‌రాబాద్‌లో ప్రారంభ‌మైంది. `అలా ఎలా`చిత్రాన్ని తెర‌కెక్కించిన ద‌ర్శ‌కుడు అనీష్ కృష్ణ ఈ సినిమాను తెర‌కెక్కిస్తున్నారు. ప్రేమకథల్లో సరికొత్త కోణాన్ని టచ్ చేస్తూ ఎంట‌ర్‌టైన్‌మెంట్‌ యాంగిల్‌లో ఈ సినిమా రూపొంద‌నుంది. ఈ  చిత్రంలో రాజ్‌త‌రుణ్ స‌ర‌స‌న గాయ‌త్రి సురేష్ హీరోయిన్‌గా న‌టిస్తుంది. న‌వంబ‌ర్ నుండి సినిమా రెగ్యుల‌ర్ షూటింగ్ ప్రారంభ‌మ‌వుతుంది.