మెగా మేనళ్ళుడు సాయిధరమ్ తేజ్ ముద్దుల వర్షం కురిపిస్తుంటే.. ఆ మెగా లిప్ కిస్‌ను తన్మయత్వంతో ఆస్వాదిస్తోంది టాలీవుడ్ హాటెస్ట్ బ్యూటీ మెహ్రీన్. సుప్రీం హీరో సాయి ధరమ్ తేజ్ బి.వి.ఎస్.రవి దర్శకత్వంలో జవాన్ చిత్రంలో నటిస్తున్న విషయం తెలిసిందే. డిసెంబర్ మొదటి వారంలో విడుదలకు రెడీ అయిన ఈ చిత్ర టైటిల్ సాంగ్‌ను ఇటీవల విడుదల చేయగా తాజాగా బుగ్గంచున అనే రొమాంటిక్ సాంగ్‌ను విడుదల చేసింది చిత్ర యూనిట్.
థమన్ మ్యూజిక్ అందించిన ఈ సాంగ్‌లో సాయి ధరమ్‌తేజ్, మెహ్రీన్‌ల జంట రెచ్చిపోయి రొమాన్స్ చేసేశారు. ముఖ్యంగా మెహ్రీన్ భారీ అందాలను చీరకట్టులో అతి కష్టం మీద దాచుకుంటూ బుగ్గంచున ఎరుపుపించే సమయం ఇవ్వరా.. రెప్పంచున కలలను పంచే సమయం అవ్వరా.. మెడ అంచుల్లో ముద్దై.. జడ అంచుల్లో తడివై.. ఒడి అంచుల్లో కలవై సమయం ఇచ్చెైరా..

అంటూ మెగా హీరోను ముద్దాటకు ఉసిగొల్పడంతో.. చీరంచు దూరమే చెరిపయ్.. నడుమంచు చేతికే ఇచ్చెయ్.. పెదవంచునే పంచెయ్ అంటూ జవాన్ ముద్దుల యుద్ధానికి దిగిపోయాడు.

మొత్తానికి మంచు కొండల్లో జవాన్ జంట బుగ్గంచున అంటూ రొమాన్స్‌ని బాగా పండించేశారు.