మస్కట్‌: నవంబర్‌ 10వ తేదీన మంగళూరు బలగ సోహార్‌, కల్చరల్‌ ఈవెంట్‌ని నిర్వహించనుంది. ఈ వార్షిక ఈవెంట్‌ కోసం భారీగా ఏర్పాట్లు చేస్తున్నారు. కల్చరల్‌ ఈవెంట్‌లో ఫుడ్‌ ఫెస్టివల్‌, అలాగే లైవ్‌ మ్యూజికల్‌ నైట్‌ ప్రధాన ఆకర్షణ కానున్నాయి. సోహార్‌లోని క్రౌన్‌ ప్లాజా ఇందుకు వేదిక కానుంది. ప్రముఖ ప్లే బ్యాక్‌ సింగర్‌ విజయ్‌ ప్రకాష్‌ బృందం ఆహూతులకు అద్భుతమైన ఎంటర్‌టైన్‌మెంట్‌ అందించనుంది. సోహార్‌ తొలిసారిగా ప్రకాష్‌ పెర్ఫామ్‌ చేస్తున్నారు. 'జై హో' సాంగ్‌తో భారతదేశాన్ని ఊర్రూతలూగించేశారాయన. 2008 అకాడమీ అవార్డ్‌ని ఈ సాంగ్‌ సొంతం చేసుకుంది. ఈ నేపథ్యంలో ప్రకాష్‌ కోసం సోహార్‌లో భారతీయులు ఎంతో ఆసక్తిగా ఎదురుచూస్తున్నారు. 2000 మందికి పైగా అతిథులు ఈ ఈవెంట్‌కి హాజరవుతారని అంచనా వేస్తున్నారు. 2004లో మంగళూరు బలగ సోహార్‌ పేరుతో సోషల్‌ అండ్‌ కల్చరల్‌ ఆర్గనైజేషన్‌ ఏర్పాటయ్యింది.