ఎప్పటిక‌ప్పుడు కొత్త కాన్సెప్ట్ ల‌తో లిమిటెడ్ బ‌డ్జెట్ లో క్వాలిటి చిత్రాల‌ను ప్రేక్షకులకు అందిస్తున్న బ్యానర్ మారుతి టాకీస్. ఈ బ్యాన‌ర్ నుంచి డైరెక్టర్ చిన్ని కృష్ణ తెరకెక్కించిన లండ‌న్ బాబులు త్వరలో రిలీజ్ కాబోతుంది. త‌మిళంలో విజ‌య్‌ సేతుప‌తి, రితికా సింగ్ క‌ల‌సి నటించిన "ఆండ‌వ‌న్ క‌ట్టాలై"  చిత్రాన్ని తెలుగులో రీమేక్ చేశారు. నేటి యువత ప్రేమకి, పెళ్లికి ఎంత తొందర పడుతున్నారో.. అంతే తొందరగా విడాకులు తీసుకోవడానికి కూడా ముందున్నారు. అలాంటి ఓ జంట లండన్ ప్రయాణంలో జరిగిన పరిస్థితులను దర్శకుడు వినోదాత్మకంగా ఎమోషనల్ గా తెరకెక్కించారు. ఈ సినిమాలో ర‌క్షిత్ హీరోగా ప‌రిచ‌యమ‌వుతున్నాడు. కలర్స్ స్వాతి హీరోయిన్ గా నటించింది. స్వాతి మీడియాలో యాంక‌ర్ గా సోసైటి ప‌ట్ల భాద్య‌త క‌లిగిన పాత్ర‌లో నటించడం విశేషం. చివరి షూటింగ్  షెడ్యూల్‌లో ఉన్న ఈ సినిమా ట్రైలర్ అల్రెడీ రిలీజై అకట్టుకుంది.