కారు ఇంజన్‌లో షార్ట్‌ సర్కూట్‌. క్షణాల్లో మంటలు. చూస్తుండగానే కారు కాలి బూడిదైంది. శంషాబాద్‌ విమానాశ్రయం వద్ద జరిగిన కారు ప్రమాదం కలకలం రేపింది. ఉదయం ఓ కుటుంబం ఎయిర్‌పోర్టుకు వెళ్తుండగా కారు ఇంజన్‌ నుంచి అకస్మాత్తుగా మంటలు చెలరేగాయి. వెంటనే గుర్తించిన డ్రైవర్‌ అప్రమత్తమై కారును నిలిపేశాడు. ప్రయాణీకులను కిందకు దింపేయడంతో పెద్ద ప్రమాదమే తప్పింది. అంతా చూస్తుండగానే పెద్ద ఎత్తున మంటలు ఎగిసిపడి కారు కాలి బూడిదైంది. ఎయిర్‌పోర్ట్‌ ఫైర్‌ సిబ్బందికి సమాచారం అందటంతో ఫైర్‌ ఇంజన్‌తో మంటలు ఆర్పేశారు. విమానాశ్రయం సెక్యూరిటీ చెక్‌ పాయింట్‌ వద్దే ఈ ప్రమాదం జరగడంతో కలకలం నెలకొంది.