ఏం మాయ చేసిందో నాగ చైతన్య మనసుకు దగ్గరయింది సమంత. మూడుముళ్లతో ఒక్కటయ్యారు. పెళ్లయిన తరువాత చైతూ జరుపుకుంటున్న మొదటి పుట్టిన రోజు కావడంతో కొంత స్పెషల్ అనే చెప్పాలి. పెళ్లి కూడా ఓ హాలిడే ట్రిప్‌లా చేసుకుని హ్యాపీగా ఎంజాయ్ చేసి ఎంచక్కా ఎవరి డ్యూటీలో వారు జాయిన్ అయిపోయారు. సిన్సియర్‌గా అనుకున్న షెడ్యూల్ ప్రకారం డేట్స్ ఇచ్చి వారు చేస్తున్న చిత్రాలకి ఏమాత్రం ఇబ్బంది లేకుండా ఒకరికొకరు సపోర్ట్‌గా ఉంటున్నారు. ఇక ఈ రోజు చైతు బర్త్‌డే సందర్భంగా అభినందనల వెల్లువ మొదలైంది. అఖిల్, చైతు అన్నదమ్ములే అయినా మంచి ప్రెండ్స్‌లా ఉంటారు. అందుకే సమ్‌థింగ్ స్పెషల్‌గా అన్నయ్యకు 'ప్రపంచంలోనే నాకు ఇష్టమైన వ్యకికి శుభాకాంక్షలు... లవ్యూ మై బ్రదర్... ఎప్పుడూ ఇలాగే సంతోషంగా ఉండాలి' అంటూ శుభాకాంక్షలు పంపించాడు అఖిల్ అక్కినేని. 'ఎప్పుడూ నవ్వుతూ ఉండాలి' అంటూ రకుల్, 'లిటిల్ కజిన్‌కి శుభాకాంక్షలంటూ' రానా, ఇలా చాలా మందే చైతూకి పుట్టిన రోజు శుభాకాంక్షలు చెప్పారు. మరి సమంత తన ప్రియ సఖుడికి ఏ విధంగా శుభాకాంక్షలు అందజేసిందో.. సరే.. మనం కూడా చైతూకి బర్త్‌డే విషెస్ చెప్పేద్దాం. మరిన్ని మంచి చిత్రాలు అందించాలని కోరుకుందాం.