డమాస్కస్‌: సిరియాలో అండర్‌గ్రౌండ్‌ ఆస్పత్రిని ప్రారంభించినట్టు నిర్వా హుకులు తెలిపారు. సిరియాలోని విద్యాసంస్థలను, ఆస్పత్రులను, రద్దీ ప్రాంతా లను లక్ష్యంగా చేసుకుని ఉగ్రవాదులు వైమానిక దాడులకు పాల్పడుతున్నారు. ఈనేపథ్యంలో క్షతగాత్రులకు వైద్యం అందించడం చాలా ఇబ్బందిగా మారింది. అండర్‌గ్రౌండ్‌ ఆస్పత్రి ద్వారా వైద్యం అందించేందుకు ఓ సంస్థ ముందుకు వచ్చింది. అయితే, ఆస్పత్రి పేరు, ప్రారంభించిన ప్రదేశం తదితర వివరాలను మీడియాకు అందించేందుకు మాత్రం ఆసంస్థ ససేమిరా నిరాకరించింది. పేలుళ్ల లో గాయపడ్డ వారిని రక్షించేందుకు ప్రయత్నించనున్నట్టు తెలిపింది. కాగా, 2011లో సిరియాలో అంతర్యుద్ధం ప్రారంభమైన సంగతి తెలిసిందే. ఉగ్రవాదు లకు, భద్రతాబలగాలకు మధ్య జరుగుతున్న భీకరపోరులో వేలాది మంది మృతి చెందారు. లక్షలాది మంది ఇతర ప్రాంతాలకు ప్రాణ భయంతో తరలివెళ్లారు.