భార్యను చంపేందుకోసం యాక్సిడెంట్‌ చేసిన ఓ వ్యక్తికి న్యాయస్థానం 13 ఏళ్ళ జైలు శిక్ష విధించింది. అలాగే 40,000 దిర్హామ్‌ల జరీమానాని కూడా ఖరారు చేసింది. భార్యతో కారులో గొడవపడుతూ, కావాలనే అతి వేగంగా కారుని నడిపాడు. ఈ క్రమంలో కారు ప్రమాదానికి గురైంది. ఈ ఘటనలో నిందితుడి భార్య తీవ్ర గాయాలపాలై ప్రాణాలు కోల్పోయింది. అయితే నిందితుడికి మాత్రం చిన్నపాటి గాయాలు మాత్రమే అయ్యాయి. విచారణంలో భార్యా భర్తల మధ్య గొడవల్ని పోలీసులు గుర్తించారు. ప్రమాద సమయంలో మృతురాలి శరీరంపై భర్త కారణంగా జరిగిన గాయాల్ని కూడా పోలీసులు కనుగొన్నారు. భార్య కుటుంబానికి నిందితుడు బ్లడ్‌ మనీని కూడా చెల్లించాల్సి ఉంటుంది.