షార్జాలో అన్ని పబ్లిక్‌ పార్కింగ్‌ స్పాట్స్‌లోనూ ఉచిత పార్కింగ్‌ సౌకర్యం కల్పిస్తున్నట్లు షార్జా మునిసిపాలిటీ ప్రకటించింది. నేషనల్‌ డే సెలవుల నేపథ్యంలో ఈ ఆఫర్‌ ప్రకటించారు. రెగ్యులర్‌ ఫేర్‌, డిసెంబర్‌ 4 నుంచి యధావిధిగా వసూలు చేయబడుతుంది. యూఏఈ నేషనల్‌ డే సెలబ్రేషన్స్‌ని అంగరంగ వైభవంగా నిర్వహించుకునే క్రమంలో ఉచిత పార్కింగ్‌ ఆఫర్‌ని తెరపకి తెచ్చినట్లు పబ్లిక్‌ పార్కింగ్‌ డిపార్ట్‌మెంట్‌ డైరెక్టర్‌ అలీ అహ్మద్‌ అబు ఘాజి చెప్పారు. యూఏఈలో పబ్లిక్‌ సెక్టార్‌, నేషనల్‌ డే సందర్భంగా నాలుగు రోజుల సెలవులు పొందనుంది. నవంబర్‌ 30 నుంచి నాలుగు రోజులు సెలవులు పబ్లిక్‌ సెక్టార్‌కి ప్రకటించగా, ప్రైవేట్‌ సెక్టార్‌కి మూడు రోజుల సెలవు ప్రకటించారు.