ఎల్ అండ్ టీ సారథ్యంలో తయారవుతున్న మెట్రో ప్రాజెక్టు కేవలం దీని ద్వారా వచ్చే ఆదాయంతోనే తాము అనుకున్న సంపదను సృష్టించుకోలేమని భారీ మాల్స్‌కు శ్రీకారం చుట్టింది. మెట్రో సేవలు నగర వాసి పొందుతున్న తరుణంలోనే మాల్స్‌ని కూడా త్వరలోనే ప్రారంభించే యోచనలో ఉంది ఈ సంస్థ. ఇప్పటికే పంజాగుట్ట, ఎర్రమంజిల్ మధ్య ఉన్న కిలో మీటరు దూరంలోనే రెండు మాల్స్‌ను సంస్థ పూర్తి చేసింది. ఈ మాల్స్‌ అత్యున్నత సాంకేతిక వసతులతో తయారయ్యాయి. ఇంకా ఇందులో 12 వరకు సినిమా హాల్స్‌ కూడా ఏర్పాటు చేస్తున్నారు. ఈ మాల్స్ నుంచి వచ్చే ఆదాయం ద్వారా 45 శాతం వరకూ కవర్ అవుతుందని ఎల్ అండ్ టీ సంస్ధ అంచనా వేస్తుంది.