ముంబై: బాలీవుడ్ లెజెండ్ దిలీప్ కుమార్ మరోమారు అస్వస్థతకు గురయ్యారు. దీంతో కుటుంబ సభ్యులు ఆయనను ముంబైలోని ఒక ఆస్పత్రిలో చేర్పించారు. మీడియాకు అందిన సమాచారం ప్రకారం దిలీప్ కుమార్ న్యూమోనియాకు గురైనట్టు తెలుస్తోంది. దీంతో వైద్యులు ఆయనకు డయాలసిస్ అవసరమని సలహాఇచ్చారు. అలాగే దిలీప్ ఇంటివద్దనే విశ్రాంతి తీసుకుంటూ, చికిత్స పొందడం ఉత్తమమని సూచించారు. ఈ విషయాన్ని దిలీప్ కుమార్ స్వయంగా తన ట్విట్టర్ ఖాతాలో వెల్లడించారు. కాగా వైద్యులు తెలిపినదాని ప్రకారం దిలీప్ అనారోగ్యం బారినుంచి బయటపడి సాధారణంగానే ఉన్నారు. ప్రస్తుతం దిలీప్ కుమార్‌కు 94 సంవత్సరాలు.