కర్ణాటకలో మరో బాబా రాసలీలు బహిర్గతమయ్యాయి. కొప్పళ జిల్లా గంగావతి కల్కట కొట్టూరు స్వామి పలువురు మహిళలతో సంబంధాలు కలిగి ఉన్నట్లు తెలుస్తోంది. పలు విద్యా సంస్థలు కలిగిన స్వామీజీ అక్కడ పనేచేసే మహిళా ఉపాధ్యాయులు, వంట మనుషులతో ఆయనకు సంబంధాలు ఉన్నట్లు ఆరోపణలు ఉన్నాయి. దీనికి సంబంధించిన దృశ్యాలు బయటపడడంతో భక్తులతో పాటు స్థానికుల్లో ఆగ్రహం పెల్లుబికింది. ఆశ్రమాన్ని సంప్రదాయబద్దంగా నిర్వహించకుండా మద్యం తాగుతూ, మాంసాహారం తింటూ,మహిళలతో అసభ్యంగా ప్రవర్తిస్తున్నాడనే ఆరోపణలు ఎదుర్కుంటున్నాడు. బ్యాంకాక్, తైవాన్ నుంచి వచ్చే మహిళా భక్తులతోనూ ఆయన సత్ససంబంధాలు కలిగి ఉన్నట్లు ఆరోపణలు వెల్లువెత్తుతున్నాయి. తనకు సహకరించని మహిళలను పిస్టల్‌తో బెదిరించి లొంగదీసుకుంటున్నట్లు ఆరోపణలున్నాయి. స్వామీజీ కామకలాపాలు వెలుగులోకి రావడానికి ఆయన కారు డ్రైవరే కారకుడని తెలుస్తోంది.