సౌదీ అరేబియా, పబ్లిక్‌ సినిమాలకు గ్రీన్‌ సిగ్నల్‌ ఇస్తున్నట్లు మంగళవారం ప్రకటించింది. వచ్చే ఏడాది ప్రారంభంలోనే కింగ్‌డమ్‌లో సినిమాల ప్రదర్శన ఉండే అవకాశముంది. జనరల్‌ కమిషన్‌ ఫర్‌ ఆడియో విజువల్‌ మీడియా, కింగ్‌డమ్‌లో సినిమాలకు సంబంధించి లైసెన్సింగ్‌ ప్రాసెస్‌ని ప్రారంభించిందని మినిస్టర్‌ ఆన కల్చర్‌ అండ్‌ ఇన్ఫర్మేషన్‌ అవ్వాద్‌ బిన్‌ సలెహ్‌ అలవ్వాద్‌ ఓ ప్రకటనలో పేర్కొన్నారు. మార్చ్‌లో తొలి సినిమా ప్రారంభమవుతుందని అంచనా వేస్తున్నట్లు పేర్కొన్నారు. అక్టోబర్‌లో, సినిమాలపై బ్యాన్‌ ఎత్తేస్తూ నిర్ణయం తీసుకున్నారు. మహిళల డ్రైవింగ్‌పై బ్యాన్‌ ఎత్తేస్తూ నిర్ణయం తీసుకున్న తర్వాత, తదుపరి సంచలన నిర్ణయంగా ఈ సినిమాల అంశం గురించి చాలామంది ముందే ఊహించారు.