హైదరాబాద్ మెట్రో రైల్ నిర్మించిన ఎల్ అండ్ టీ సంస్థ ఓలా క్యాబ్స్‌తో కీలక ఒప్పందాన్ని కుదుర్చుకుంది. 'టీసవారి' అంటూ ఓ యాప్‌ని ప్రయాణీకుల ముందుకు తెచ్చింది. ఈ యాప్‌లో ఓలా మనీతో పాటు ఓలా సర్వీసులు ప్రయాణికులకు అందుబాటులో ఉంటాయి. ఈ యాప్ నుంచే ఓలాకు సంబంధించిన వాహనాల్ని బుక్ చేసుకోవచ్చు. మెట్రో స్మార్ట్ కార్డులను కూడా ఓలా మనీ వ్యాలెట్ ద్వారా రీచార్జ్ చేసుకోవచ్చు. ఈ సందర్భంగా మెట్రో రైల్ సీఈవో అనిల్ కుమార్ శైనీ మాట్లాడుతూ, ఓలాతో ఒప్పందం చేసుకోవడం సంతోషంగా ఉందని, ఈ సదుపాయం వల్ల ప్రయాణికులకు స్టేషన్‌కు రావడానికి, వెళ్లడానికి ఈజీగా ఉంటుందని చెప్పారు. ఊహించినట్లుగానే మెట్రోకు మంచి స్పందన లభిస్తోందని తెలిపారు.