గడచిన ఇరవై నాలుగు గంటల్లో వాతావరణ పరిస్థితుల కారణంగా మెరైన్‌ రెస్క్యూ సెక్షన్‌ - దుబాయ్‌ పోలీస్‌ మూడు కాల్స్‌ని అటెండ్‌ చేసింది. దుబాయ్‌ పోలీస్‌ ఆపరేషన్స్‌ డిపార్ట్‌మెంట్‌కి వచ్చిన కాల్స్‌ నేపథ్యంలో ఎంఆర్‌ఎస్‌ని అలర్ట్‌ చేయడం జరిగింది. బోటులో ఏడుగురు వ్యక్తులు సహాయం కోరగా, వారిని రక్షించేందుకు ఎంఆర్‌ఎస్‌ రెస్క్యూ టీమ్‌ రంగంలోకి దిగింది. బోటులోని వారిని రక్షించడంతోపాటుగా, బోట్‌ని కూడా క్షేమంగా ఒడ్డుకి చేర్చారు. పామ్‌ జుమైరా నుంచి ఓ వ్యక్తిని ఎంఆర్‌ఎస్‌ టీమ్‌ రక్షించడం జరిగింది. మినా సాయెహి ఏరియాలో బోటులోని వ్యక్తిని ఎంఆర్‌ఎస్‌ టీమ్‌ రెస్క్యూ చేసింది. వాతావరణ పరిస్థితులు బాగా లేనందున ప్రజలు అప్రమత్తంగా ఉండాలని అధికారులు సూచించారు.